Mark Samson, 23 vjeç, ka rrëfyer përpara prokurorëve të Romës versionin e tij për vrasjen e ish-dashurës së tij, Ilaria Sulës, 22 vjeç, me origjinë shqiptare. Në një letër drejtuar prokurorëve, ai përshkruan detajet e natës fatale të 25 marsit, ku pas një diskutimi për marrëdhënien e tyre, ai e goditi me thikë.
Pas vrasjes, Samsoni transportoi trupin e Ilarisë dhe, në mënyrë befasuese, ndali për të blerë cigare dhe çakmak para se të vazhdonte me shpërndarjen e kufomës në një përrua. Ai tregon gjithashtu për momentet kur përpiqej të fshihte krimin dhe për përpjekjen për të hedhur trupin në një zonë të izoluar. Ky rrëfim tregon dhe njëherë gjakftohtësinë e 25-vjeçarit teksa masakroi dhe zhduku kufomën e studentes shqiptare, teksa gjithçka me sa duket e ka planifikuar mirë.
Aktualisht, ai është në paraburgim në burgun Regina Coeli, duke u akuzuar për vrasje me dashje dhe fshehje të kufomës. Hetimi vazhdon për zbardhjen e të gjithë ngjarjes.