Gjatë ditës së sotme detaje tragjike kanë dalë në pah nga vdekja e shtetasit Edison Oruqi në lumin e Shalës.
Kujtojmë se kolegu i tij i punës na zbuloi që Edisoni u përpoq të kalonte lumin me not por fatkeqësisht rrjedha e ka marrë përpara duke i shkaktuar atij vdekjen.
Para pak çastesh policia e Shkodrës bën me dije se deri më tani në trupin e viktimës nuk janë konstatuar shenja dhune. Për më tepër po vijojnë hetimet për zbardhjen e plotë të rastit.
“Sot, rreth orës 1:00, në breg të lumit të Shalës, është konstatuar trupi i pajetë i shtetasit E. O., 40 vjeç, i cili dyshohet se është mbytur. Nga këqyrja paraprake e trupit, në prani të ekspertit mjekoligjor, nuk janë konstatuar shenja dhune. Vijojnë hetimet për të përcaktuar shkakun e humbjes së jetës” njofton policia.