Dorian Puka, lezhjani i njohur si sheiku shqiptar, së fundmi ka qenë sërish në qendër të vëmendjes.
I cilësuar nga mediat e huaja si një hajdut i dënuar shqiptar, i cili nuk mund të deportohet, së fundmi me rastin e festave të fundvitit ka ironizuar institucionet britanike duke postuar mesazhe për Vitin e Ri nga një klub nate në Londër.
Lezhjani, 28 vjeç, i dënuar dhe deportuar dy herë për vjedhje, postoi një foto ku festonte Vitin e Ri në një klub nate, duke tymosur një shisha pranë një valltareje.
Përmes llogarisë së tij në TikTok, ai publikoi një video tre minutëshe që përfundon me një pamje të Big Ben-it dhe Parlamentit britanik, mbi të cilën shkruhej: “Gëzuar Vitin e Ri të gjithëve!… Ju uroj më të mirat!”
Kjo ndodh tre muaj pasi ai postoi video duke drejtuar një Ferrari prej 300,000 £ në rrugët e Londrës dhe foto me dhjetëra orë Rolex dhe makina luksoze në llogaritë e tij në TikTok dhe Instagram.
Çfarë e pengon deportimin e Dorian Pukës?
Ministria e Brendshme nuk ka arritur të deportojë Pukën, pasi ky I fundit ka aplikuar për azil, dhe zyrtarët nuk mund ta largojnë atë deri sa çështja të shqyrtohet plotësisht. Një proces që mund të zgjasë me muaj, në mos vite, për shkak të vonesave në gjykatat e emigracionit.
Puka ka ironizuar gjithashtu Nigel Farage duke postuar një foto të tij në një darkë, ku duket një imazh i montuar i liderit të Partisë Reformiste duke bërë shenjën e miratimit.
Farage e përshkroi atë si një “kriminel i vërtetë” që po “shkel mbi autoritetet britanike.”
Por kush është sheiku lezhjan?
Dorian Puka, lezhjani i njohur si “Sheik” i cili publikon jetën e luksit nëpër rrjet, u dëbua dy herë nga shteti ishull, por nuk e la me kaq.
Ai vendosi të rikthehej ilegalisht plot dy herë në thyerje të urdhrit të dëbimit nuk ndalet.
Pas ironizimit të një dite më pare, përmes një fotomontazhi me politikanin Nigel Farage sikur po ata drekonin bashkë, Puka replikoi përmes një statusi në Instagram me editorin e çështjeve të brendshme në The Telegraph gazetarin Charles Hymas autorin e shkrimit me titull “Grabitësi shqiptar i dëbuar dy herë nga Anglia udhëton në Londër me Ferrari”.
Reagimet e autoriteteve britanike
Një zëdhënës i Ministrisë së Brendshme tha: “Të huajt që kryejnë krime nuk duhet të kenë asnjë dyshim se ligji do të zbatohet. Z. Puka është deportuar nga Mbretëria e Bashkuar më parë. Sipas ligjit britanik, ne nuk mund të deportojmë individë që kanë çështje në pritje të shqyrtimit.”
Chris Philp, sekretari i hijeve për çështjet e brendshme, tha: “Ky kriminel i dënuar duhet të deportohet menjëherë. Çdo kërkesë për azil – që ka shumë gjasa të jetë e rreme – duhet të shqyrtohet me prioritet.”
Sakaq ditën e sotme Puka nëpërmjet një Instastory i sugjeron gazetarit të njohur të “The telegraph”, Charles Hymas që të merret me gjëra më me vlerë.