Daily Mail ka shkruar një artikull rreth shqiptarit Dorian Puka dhe jetës së tij luksoze.
I veshur nga koka te këmbët me një veshje të ngjashme Gucci, Dorian Puka duket si një pushues në Britani të Madhe.Por zbulohet se ai mban gjurmues elektronik monitorimi në kyçin e këmbës së majtë.
Aludohet që ai të mos jetë në Britani duke qenë se është dëbuar dy herë për në vendlindjen e tij, pasi akuzohej për një listë krimesh në Londër. Si fillim mësohet se ai u burgos për nëntë muaj me akuzën “Grabitje prone” në Tëickenham në vitin 2016 përpara se të dëbohej. Por brenda 12 muajsh ai u kthye në Britaninë e Madhe e zbulohet se kreu një larmishmëri krimesh.
Mbetet e paqartë se si ai u rikthye në vend.
Ai u kap në flagrancë , me një orë të shtrenjtë të vjedhur, nga një oficer në jug-perëndim të Londrës. Puka u burgos për tre vjet e gjysmë, por ai nuk hoqi dorë nga “biznesi I krimeve” edhe pse ishte pas hekurave.
Lezhjani fitoi famë duke postuar foto në një telefon kontrabandë me të burgosur të lidhur me grupet e krimit të organizuar.
Në njërën prej tyre ai ka pozuar me një koleg të dënuar dhe ka shkruar: ‘Nga HMP hidhemi në VIP!!!!’- ndërsa ai ka vazhduar të jetojë pa pengesa në MB sipas Daily Mail.
Ai u deportua në mars 2020, por u kthye në janarin e ardhshëm. Postimet në mediat sociale bëjnë me dije se ai kishte udhëtuar përmes Gjermanisë, Belgjikës dhe Holandës.
Këtë javë, MailOnline e gjurmoi atë në hotelin Carbis Bay pranë St Ives, Cornwall.
Teksa Puka shijonte kafenë e mëngjesit gazetarët e Dayli Mail e intervistuan në lokal. Ai i tha gazetarit se kishte ardhur për një udhëtim për ditëlindje dhe Home Office e dinte se ku ishte.
“Pra, çfarë? Ata [The Home Office] dinë gjithçka, kështu që pse duhet të dini? Kam një gjurmues në këmbë, cili është problemi? Kam probleme në vendin tim. Unë kam një gjurmues në këmbën time, ata dinë gjithçka, kështu që pse po më shqetëson. Nuk e di se çfarë doni nga unë, po më shqetësoni”, tha ai.