SHKODËR– OSHE ka reguar pas ngjarjes që ndodhi ditën e sotme në Shkodër ku u dogj transformatori i Nënstacionit Shkodra 2.
Tashmë OSSH Shkodër ka ndërprerë furnizimin me energji elektrike në disa nënstacione për arsye sigurie, sot në orën 11:30.
Për pasojë disa lagje të qytetit Shkodër, zona e Velipojës dhe disa fshatra kanë mbetur pa energji elektrike.
Njoftimi i plotë:
Për shkak të një defekti në transformatorin e NST Shkodra 2 sot në ora 11:30, OSSH #Shkodër për arsye sigurie ka stakuar energjinë në disa nënstacione.
Pa energji elektrike kanë mbetur disa lagje të qytetit Shkodër, zona e Velipojës dhe disa fshatra.
Nga ana e OSHEE po merren të gjitha masat për furnizim me energji elektrike të zonave të prekura nga avaria, përmes skemës alternative, me linja të tjera unazore.
Në terren, vijon puna e grupeve të avarisë për eleminimin e defektit dhe rikthimin e energjisë elektrike sa më shpejt në të gjitha zonat e prekura nga defekti./Radar.al