Detaje të reja janë zbardhur nga ngjarja e rëndë që tronditi Shqipërinë ditën e hënë më 18 nëntor, pas vrasjes së 14-vjeçarit Martin Cani me thikë nga bashkëmoshatari i tij, Mario Përlleshi.
Sië dhe ju raportuam ditën e djeshme, u zbulua se autori i dyshuar i vrasjes së adoleshentit ka hedhur çantën e shkollës në çatinë e një godine 1 katëshe në rrugën “Fadil Rada”, pas ATSH-së, brenda së cilës është gjetur thika me të cilën u krye krimi dhe librat e tij të shkollës.
Ajo që bëri përshtypje është se celulari i tij rezulton i zhdukur.
Dyshohet se hedhja e çantës mbi çati u bë nga vetë i mituri pasi ai është larguar me vrap pas sherrit që la pas një viktimë dhe një të plagosur rreth 200 metër larg shkollës “Fan Noli”.
Çanta u gjet në mënyrë rastësore nga banorë të zonës dhe sapo ata konstatuan thikën, është njoftuar policia.
Blutë pritet të verifikojnë kamerat e sigurisë në zonë për të parë nëse ka pasur ose jo bashkëpunëtorë të tjerë për ta ndihmuar për t’u larguar, autorin e krimit.
Kujtojmë se të rinjtë u përfshinë në një sherr me thika sapo dolën nga shkolla “Fan Noli” ku ata studionin.
Goditja me thikë në zemër i ndërpreu rrugëtimin e jetës Martin Canit.
Policia e Tiranës ka arrestuar 15-vjeçarin, autor i vrasjes së bashkëmoshatarit të tij. I mituri akuzohet për vrasje me dashje dhe armëmbajtje pa leje.
LEXO EDHE: