Vetëm pak ditë na ndajnë nga Maratona e Tiranës që do të mbahet të dielën e 20 tetorit.
Nuk kishte si të mungonte dhe atletja shqiptare Luiza Gega, e cila na zbulon se ndryshe nga vitet e kaluara, këtë vit do të garojë në kategorinë 42 km.
“Kryesisht kam marrë pjesë më gjysmë maratonë por këtë vit dua të provojë maratonën e plotë, nuk është e lehtë. Më pëlqen shumë dhe gjithmonë kjo është arsyeja përse kam vrapuar sepse je në vendin tënd dhe mendojë që është kompeticioni më i bukur që zhvillon bashkia e Tiranës. Aty mblidhemi bashkë, qoftë profesionistë, amatorë. Kjo është arsyeja sepse më pëlqen maratona”, u shpreh Gega.
Maratona e Tiranës është një nga aktivitete më të mëdha sportive që zhvillohet në kryeqytet, dhe ajo që vihet re më së shumti është fakti që interesi për të marrë pjesë rritet nga viti në vit.
“I ftoj që të gjithë të marrin pjesë jo patjetër për të fituar, po për të kaluar një ditë të bukur. Është një lodhje që të jep shumë kënaqësi dhe po ta fillosh jam e sigurt që nuk ndalon më”, shtoi më tej atletja.
Sa i përket anës teknike të organizimit, çdo gjë është gati dhe pika kryesore e nisjes dhe ndarjes së çmimeve do të jetë sheshi “Skënderbej”.
Ndonëse një garë, është një ditë që ofron dhe argëtim për pjesëmarrësit.
LEXO EDHE:
“Janë gjithmonë ka**t dhe injorantët”- Albano Bogdo: Samir Mane dhe Luiza Gega …
Luiza Gega pas eliminimit: I kërkoj falje të gjithëve që besuan te unë, ëndrra e Parisit mbyllet sot