Luiza Gega dështoi të kualifikohej në finale në “Paris 2024” .
Atletja shqiptare nuk shkoi më shumë se vendi i 9-të në baterinë e dytë, në kualifikueset e 3000m me pengesa. Gega, nëpërmjet një postimi në rrjetet sociale, nuk fsheh zhgënjimin e saj për situatën e sapondodhur.
“Është kaq vështirë të gjesh fjalë kur ndihesh totalisht e dështuar dhe në fakt në këto momente e tillë ndihem. E di që do kaloje, çdo gjë kalon me kohën por në këtë moment dhemb shumë sepse vërtet jam munduar dhe ëndërruar që do ja dal pavarësisht se gjërat që në muajin prill pasi u sëmura gjërat morën “dishezën”. Gjithsesi përsëri përpiqesha fort çdo ditë edhe përse me shumë stres nga ndjesitë jo të mira të trupit tim përsëri rrija me shpresën që do e përballoja një garë të niveli por në fakt nuk ndodhi kështu. Edhe përse nuk e kam thënë kam qenë në dilemë të madhe me veten nëse duhet të vija apo jo por e di që pengu për të mos e provuar do më lëndonte më shumë. Dua vërtet t’i kërkoj falje kujtdo që besoi tek unë dhe e zhgënjeva dhe falenderoj të gjithë ata që më mbështesin si në dit të mira qoftë dhe të vështira. Ëndrra e Parisit mbyllet sot”, shkruan Gega.
View this post on Instagram