Melisa Trëndafili, ka rrëfyer detaje lidhur me ngjarjen e rëndë, kur bashkëshorti tentoi ta djegë me benzinë disa javë më parë.
Ajo zbulon se një ditë para ngjarjes, ishte takuar me 45-vjeçarin dhe kishin konsumuar kafe së bashku e kishin rënë dakord në lidhje me divorcin, por një ditë më pas ish bashkëshorti e kishte pritur jashtë ambienteve të punës dhe në momentin që Melisa ka dalë ai e ka lyer me benzinë dhe më pas i ka vendosur flakë.
Melisa Trëndafili në emisionin ‘’Me zemër të hapur’’:
Unë dhe bashkëshorti prej kohësh kishim probleme, na shkatërruan edhe biznesin që kishim, një lokal.
Unë mora vesh se ai kishte marrë lek në lagje borxh për të pirë lëndë narkotike, ai ka ardhur edhe në spital ka mashtruar është prezantuar edhe si vëllai im vetëm për tu futur në spital.
Ne një ditë para ngjarjes u takuam dhe pimë kafe bashkë, folëm dhe ramë dakord për divorcin unë u ktheva te prindërit dhe kisha nisur punë.
Pastaj ditën tjetër, ai kishte ardhur jashtë te puna ime sapo dola une ai më pa erdhi më leu me benzinë dhe më pas më vuri flakën.
Unë i bëj thirrje shtetit, policisë të marrë masa.