Shërbimi Meteorologjik Ushtarak bën me dije se ditën e shtunë vendi ynë parashikohet të jetë nën ndikimin e kushteve atmosferike kryesisht të qëndrueshme.
Moti parashikohet i kthjellët e vranësira në shtim nga orët e mesditës më pas vranësirat izolohen përgjatë vrelieveve malore kryesisht në juglindje të territorit. Prezencë e reshjeve të shiut me intensitet të ulët e hera-herës në formë pikash kryesisht nga orët e mesditës e pasdite përgjatë relieveve malore. Reshjet pritet të jenë të herëpasherëshme në formën e shtrëngatave afatshkurtra më pas pritet ndërprerja e reshjeve në të gjithë territorin.
Mjegullinë dhe shikim i reduktuar në orët e para të mëngjesit.
Era do të fryjë e lehtë me drejtim verilindje -juglindje me shpejtësi mesatare 1-6m/sek, ndërsa përgjatë vijës bregdetare, male e lugina era fiton shpejtësi 10m/sek, shoqëruar me valëzimin në dete të forcës 1-2ballë.