TIRANË– Kreu i PD-së, Sali Berisha pas daljes nga SPAK-u ku dhe është njohur me akuzën e ngritur ndaj tij, ka dhënë një deklaratë para mediave ku ka zbuluar se është marrë i pandehur dhe shtuar se e gjithë kjo bëhej që t’i kapet koka PD-së.
Teksa është pyetur nga gazetarët nëse do të ketë një zbutje të masës së sigurisë, Berisha është shprehur se për këtë do të përgjigjen avokatët.
Ai tha se qëllimi i kësaj që po i bëhet është kapja e kokës së PD-së
“I gjithë qëllimi i kësaj është që t’i kapim kokën PD-së. I garantoj shqiptarët se Edi Rama do përgjigjet për këtë. Garantoj demokratët se shumë shpejt do e lëshojmë me atë që ai e ka aq qejf, në tokë. …Masat e sigurisë u vendosën pa më thirrur, pa më pyetur. I kanë vendosur në kundërshtim me Kushtetutën pa më thirrur. …Unë kam dhënë një përkufizim, pas fitores së zgjedhjeve do ketë një garë për kryeministër. Cilido që dëshiron, të vijë ta sfidojë Sali Berishën. …Këto janë kukulla mjerane që zbatojnë urdhra. Kur e bënë më puç, unë e refuzova, mbrojta Kushtetutën, mbrojtën pushtetin e parlamentit. Këta e dërguan në parlament dhe morën miratimin në kundërshtim flagrant me Konventën Europiane të të Drejtave të Njeriut. Unë jam i vendosur t’u jap atë që meritojnë. …Një njeri i arrestuar është një njeri me liri të privuar. Të qenurit i burgosur politik është turp i sistemit. Është dëshmia më e shëmtuar e këtij narkoshteti. Unë jam në betejë. Jeta ime ka qenë dhe do mbetet një betejë.”-tha Berisha.