TIRANË– Kryeministri Edi Rama ka reaguar në lidhje me situatën e përmbytjeve në vend dhe më konkretisht në Durrës, duke ironizuar kritikat e opozitës, të cilat kanë bërë përgjegjëse qeverinë.
Përmes një reagimi në rrjetet sociale, Rama shkruan se opozita ende nuk e ka fajësuar për përmbytjet e ndodhura edhe në vende të tjera si Italia, Greqia, Mali i Zi apo Kroacia.
“Nuk e kuptoj pse nuk po më fajësojnë akoma mua, qeverinë apo qoftë edhe bashkinë e Durrësit, për reshjet mbytëse të këtyre ditëve në Itali, Greqi, Mal të Zi, Kroaci e me radhë…”- shkruan Rama.
Kreu i qeverisë ironizoi opozitën shqiptare duke bërë një paralelizëm me ato të vendeve të tjera, që sipas tij, nuk i fajësojnë qeveritë e tyre për përmbytjet.
“Çudi e madhe opozitat andej, po të paktën të fajësonin qeveritë e tyre, por hiç, asnjë llaf, s’e kuptojnë që aleanca me shiun të çon në fitore.”- shkruan kryeministri./Radar.al