Një aksident rrugor ka ndodhur pak minuta më parë në aksin nacional Maqellarë–Peshkopi, ku dy automjete janë përplasur frontalish.
Sipas të dhënave paraprake, në një prej automjeteve udhëtonin 3 shtetas kosovarë, ndërsa në makinën tjetër ishte një i ri nga Peshkopia. Përplasja ka qenë e fortë dhe ka shkaktuar dëmtime serioze.
I riu nga Peshkopia dyshohet se ka pësuar fraktura të shumta dhe ndodhet në gjendje të rëndë në spital. Tre shtetasit kosovarë po marrin trajtim mjekësor në spitalin rajonal të Peshkopisë, ndërsa numri total i të plagosurve është 4.
Policia ndodhet në vendngjarje dhe po heton rrethanat e aksidentit. Paraprakisht dyshohet se shpejtësia e lartë dhe lagështia në rrugë mund të kenë qenë shkaktarët kryesorë të përplasjes.
Hetimet vijojnë.