Menjëherë pas tensioneve mes Iranit dhe Izraelit, çka shkaktuan dhe vdekjen e plagosjen e dhjetra personave, Ministria e Jashtme e Shqipërisë mori masa të menjëhershme dhe po vijon me monitorimin e situatës.
Aktualisht bëhet me dije se në Izrael ndodhen 5 shtetas shqiptarë, 3 turistë e 2 me qëndrim të përkohshëm.
Rreth gjendjes së tyre shëndetësore, ministria thotë se fatmirësisht janë mirë.
Kujtojmë se ditën e djeshme u mor vendimi për ndërprerjen e fluturimeve të linjës Tiranë-Tel Aviv dhe anasjelltas.
Njoftimi i plotë:
Ministria për Evropën dhe Punët e Jashtme po ndjek me prioritet dhe vëmendje të veçantë situatën e shtetasve shqiptarë në Izrael, të prekur nga zhvillimet e fundit.
Deri tani nuk ka asnjë raportim për qytetarë shqiptarë të lënduar apo të dëmtuar.
Aktualisht janë evidentuar pesë shtetas shqiptarë në Izrael: tre me status turisti dhe dy me qëndrim të përkohshëm.
Ambasada jonë në Tel Aviv është në kontakt të vazhdueshëm me ta. Të gjithë janë në gjendje të mirë shëndetësore, janë të informuar dhe po ndjekin udhëzimet e sigurisë të autoriteteve izraelite.
Njoftojmë se për shkak të situatës, fluturimet janë ndërprerë. Për çdo informacion shtesë dhe nevoja emergjente, lutemi të kontaktoni Ambasadën Shqiptare në Tel Aviv në numrat e emergjencës:
+972 54 480 6601
LEXO EDHE:
Përplasja Iran-Izrael sjell përçarje në mbarë botën. Kina e Amerika kundra njëra-tjetrës
Dalin PAMJE nga pasojat e sulmeve hakmarrëse të Iranit ndaj Izraelit
Amerika paralajmëron: Nëse Irani ka sulmuar objektet dhe njerëzit tanë, do rrafshohet!