Këtë të shtunë do të rihapet sërish Tuneli i Llogorasë, duke mundësuar kështu shkurtimin e rrugës drejt jugut të vendit përgjatë sezonit veror.
Zëvendëskryeministrja Belinda Balluku, njëherësh ministre e Infrastrukturës, bëri me dije se hyrja në tunel do të jetë pa pagesë. E kjo do të zgjasë deri më 15 shtator.
“Duke nisur nga nesër, 24 maj, hapet për qarkullimin e automjeteve tuneli i Llogarasë. Vepra që shkurton distancën drejt bregdetit të jugut dhe që i shërben sezonit turistik. Pa pagesë deri më 15 shtator. Ndalohet kalimi vetëm për mjetet e tonazhit të rëndë“, thotë Balluku.
E gjatë prej 5.9 kilometrash, tuneli do të shkurtojë ndjeshëm kohën e udhëtimit drejt bregdetit të jugut, distanca nga Dukati në Palasë që deri dje bëhej për 30 minuta, tashmë do të bëhet vetëm në 7 minuta.