Ergys Isufi, kandidati i lëvizjes “Nisma, Shqipëria Bëhet” që u arrestua një ditë më parë me një dozë kokainë, ka reaguar pas lirimit nga qelia, duke mohuar çdo akuzë për karakter të keq dhe duke kërkuar ndjesë publike.
Në një postim të gjatë, Isufi tha se “më njeh një qytet i tërë” dhe se nuk ka dyshime për figurën e tij. Ai e përshkroi veten si “shqiptar, shok, sarandjot dhe familjar”, duke theksuar se ka hyrë në politikë për të kontribuar për një Shqipëri më dinjitoze.
“Ndjesë publike për të gjithë ju! Jo sepse kam kryer ndonjë krim, por sepse jam shumë i sinqertë, deri edhe naiv në një ambient mbushur me hiena dhe grabitqarë,” shkruan ai, duke lënë të kuptohet se arrestimi i tij ishte pjesë e një sulmi të organizuar për arsye elektorale.
Isufi e quajti veten “dëshmor i një lufte të paskrupullt elektorale” dhe u bëri thirrje qytetarëve, veçanërisht të rinjve, që të “zgjojnë ndërgjegjen” dhe të mos lejojnë “anestezinë e sistemit” të vazhdojë.