Policia e Krujës ka ndërmarrë një aksion antidrogë në zonën e Krastës, duke parandaluar një rast të kultivimit të bimëve narkotike në një territor të mbrojtur.
Në kuadër të operacionit të koduar “Krasta”, forcat e rendit arrestuan shtetasin Shkëlzen Allushi, 22 vjeç, ndërsa proceduan në gjendje të lirë bashkëpunëtorin e tij, M. B., 18 vjeç, të dy banues në fshatin Halil, Fushë-Krujë.
Gjatë kontrollit të territorit dhe mbi bazën e informacioneve operative, policia zbuloi një sipërfaqe të pyllëzuar ku ishin mbjellë fidanë të llojit cannabis sativa. Si pjesë e provave materiale u sekuestrua edhe një automjet në pronësi të 22-vjeçarit, i cili përdorej për të shkuar në parcelën e kultivuar.
Materialet për këtë rast i janë referuar Prokurorisë për veprime të mëtejshme.