Teksa vijojnë hetimet për zbardhjen eplotë të atentateve të ndodhura mbrëmjen e djeshme, hulumtimet e bëra rreth Roan Brahimit, i cili u vra para një viti, zbuluan detaje nga jeta e tij personale.
Brahimi rezulton me dy bashkëshorte, njërën ekishte në Shqipëri, me të cilën ka fëmijë (mendohet se dy), dhe tjetrën në Greqi me të cilën ka një djalë të mitur.
Në ditën kur ndaj “Sidit” u realizua atentati në Athinë, mësohet se të pranishëm në ato momente kanë qenë gruaja dhe djali i tij i mitur, të cilët fatmirësisht shpëtuan pa lëndime.
Prej tre vitesh 32-vjeçari ishte larguar nga Shqipëria për t’iu fshehur drejtësisë dhe hakmarrjes së mundshme nga rivalët.
Por, kundërshtarët e gjetën majin e vitit të shkuar në një lagje në Athinë, dhe dy persona me motor iu afruan dhe e qëlluan për vdekje.
Deri më tani pistat e hetimit për vrasjen e Roan Brahimit mbete hakmarrja, pasi 32-vjeçari rezulton me precedent të rrezikshëm kriminal në Shqipëri.
Përplasjet e armatosura datojnë që në 2014 kur në një atentat vriten 2 kushërinjtë e tij Klodian Ndreca e Taulant Prendi dhe u plagos Aurel Prendi.
Në 2020 në lokalin e babait të tij persona të pa identifikuar hapën zjarr, por fatmirëisht pa lënduar askënd.
Ndonëse nga ana e polciisaë mbetet e padokuemntuar, Roan Brahimi njihet si kundërshtari i Ervis Martinit i zhdukur prej 2022, ku informacionet flasin për një sherr fizik mes tyre.
Edhe pse prej një viti vrasja e tij mbetet mister, ditëmn e djeshme kundërshtarët ekzekutuan babain në pronën e tij.
Ndërsa një tjetër atentat u organizua në Tiranë për gruan e tij të ndodhur në Shqipëri, gjatë të cilit u ngatërrua shënjestra dhe mbetën të plagosur 4 të pafajshëm.