Presidenti i KE Antonio Costa, ka folur pozitivisht për progresin e Shqipërisë në rrugëtimin për integrimin në Bashkimin Europian.
Costa u shpreh se mënyra më e mirë për të garantuar mirëqenien, paqen dhe stabilitetin në Ballkanin Perëndimor është integrimi në Bashkimin Europian. Për këtë arsye ai tha se do të zhvillojë në mes të majit një tur në Ballkanin Perëndimor.
Fjala e Presidentit t ë Këshillit Europian, Antonio Costa:
I gëzuar që pres sot kryeministrin Edi Rama, sepse zgjerimi drejt BP është përparësi e qartë për BE dhe është investimi më i rëndësishëm gjeostrategjik për paqen për begatinë dhe stabilitetin e vendit tonë dhe është vërtetë inkurajuese të shohësh progresin që ka bërë Shqipëria në këtë rrugëtim.
Sot po çelim një grup kapitull tjetër dhe ambicia jonë është që të çelim edhe më tej grupkapituj për të negociuar gjatë këtij viti sepse kemi një kalendar shumë konkret dhe duam që ta realizojmë. Kjo është shumë e rëndësishme për BE, për Shqipërinë, shenjë mjaft e rëndësishme edhe për të gjithë rajonin sepse mënyra më e mirë për të garantuar mirëqenien paqen dhe stabilitetin në BP është në Bashkimin Europian me anëtarësimin në të. Ja pse do të vizitoj personalisht rajonin në mes të muajit maj për të vizituar të gjashta vendet e BP për të rritur bashkëpunimin tonë dhe përpjekjet tona të përbashkëta për të pasur rezultate të mira të anëtarësimit./Radar.al
Rama me Presidentin e KE: Do mbyllim detyrimet dhe negociatat brenda 2027
Dosja “Partizani”/ Apeli i GJKKO lë në ‘arrest shtëpie’ dhëndrin e Berishës