TIRANË– Këtë të hënë të 14 Prillit Apeli i Gjykatë së Posaçme ka lënë të pandryshuar masën e sigurisë “arrest shtëpie” për Jamarbër Malltezin.
Kujtojmë se dhëndri i Kreut të PD-së, Sali Berisha është i akuzuar për dosjen “Partizani”.
Malltezi ndodhet në arrest shtëpi prej nëntorit të vitit 2023, pasi togat e zeza zëvendësuan masën e caktuar ndaj tij nga “arrest me burg” në atë shtëpiak.
Ndërsa Sali Berisha është në hetim për veprën penale të korrupsionit së bashku me dhëndrin e tij, Jamarbër Malltezi, i cili akuzohet nga SPAK se ka përfituar të ardhura në vlerën e 5.4 milionë eurove nga një biznes ndërtimi në mënyrë të parregullt falë vendimeve të qeverisë të marra nga vjehrri i tij.
Berisha edhe Malltezi i kanë kundërshtuar akuzat dhe e kanë cilësuar hetimin si të orkestruar nga kryeministri Edi Rama. Gjithashtu, kreu i PD-së dhe mbështetësit e tij e kanë cilësuar këtë masë si përpjekje për asgjësimin e opozitës./Radar.al