Mbetet e mbuluar me mister vdekja e Gene Hackman dhe bashkëshortes së tij, ndonëse mediat kanë publikuar detaje të reja.
Astrologia: Në Mars, një eklips i vështirë, fenomene natyrore…
Policia e New Meksikos i gjeti trupat e tyre gati të mumifikuar pasi po dekompozoheshin. Trupat e dy bashkëshortëve u gjetën në vende të ndryshme të vilës së tyre në Santa Fe. Dyshohet se 95-vjeçari kishte rënë papritur në dysheme, pasi pranë trupit iu gjetën syzet e diellit dhe bastuni. Ndërsa bashkëshortja e tij 31 vite më e re u gjet e pajetë në dyshemenë e tualetit. Pranë saj ndodhej edhe një shishe e hapur ilaçesh të shpërndara.
Komenti i mikut të Gjestit hedh hije dyshimi pas Zarfit të Zi
Nga kqyrjet paraprake, hetuesit nuk zbuluan shenja dhune në trupat e tyre, por priten rezultatet e autopsisë tashmë të përfunduar si dhe një raport toksikologjik. Edhe qeni i çiftit u gjet pa jetë në shtëpi.
Dy vajzat nga martesa e parë e legjendës së kinemasë amerikane thanë se kishin muaj pa e takuar të atin, por pohuan se ai gëzonte shëndet të mirë dhe praktikonte joga e ushtrime fizike. Ato hodhën fillimisht dyshime se vdekja mund të ishte shkaktuar nga tymi i djegies në shtëpi, por ato u hodhën poshtë nga ekspertiza.
Hetuesit thanë se çështja duket e vështirë dhe kanë nisur hetime të thelluara për rastin.