KOSOVË– Kryetari i Komunës së Prishtinës, Përparim Rama ka folur sot sa u përket votimeve për Kryeministrin e ardhshëm.
Në një intervistë Rama u shpreh se çdo qytetar duhet të shfrytëzojë të drejtën për të votuar, më tej ai shtoi se vlerëson fushatën elektorale si një proces demokratik dhe me shumë pak incidente.
“Ditë feste ku çdo qytetar duhet të shfrytëzojë që t’i japë votën atyre që çojnë vendin para. Mburrem me procesin dhe mënyrën si ka shkuar prej një muaji. Proces demokratik dhe me shumë pak incidente të vogla. Shqipëria jonë në Kosovë vetëm është emancipuar dhe jemi europianë të vërtetë. Gëzojmë një demokraci dhe liri e të ardhme të mrekullueshme për vendin me miq në të gjithë botën.”-deklaroi ai.
Sot në Kosovë mbahen zgjedhjet parlamentare, të parat të rregullta që nga shpallja e pavarësisë më 2008. Në garë janë 28 subjekte politike dhe një kandidat i pavarur, si dhe katër kandidatë për kryeministër: Albin Kurti nga LVV-ja, Bedri Hamza nga PDK-ja, Lumir Abdixhiku nga LDK-ja dhe Ramush Haradinaj nga koalicioni AAK-Nisma dhe partnerët e tjerë. Siç raportohet pas përfundimit të procesit të votimit, në 941 qendra të votimit, do të nisë numërimi i fletëvotimeve për subjektet politike, duke mundësuar sa më shpejt shpalljen e rezultateve paraprake./Radar.al
Nga procesi i votimit tek numërimi, gjithçka dihet për zgjedhjet parlamentare në Kosovë