TIRANË– Kryeministri Edi Rama sot ka qenë i pranishëm në eventin për dorëzimin e certifikatave për rezidentët e parë te Durana Tech Park, hapësira që do të bëhet epiqendra e rritjes së sipërmarrjeve, zhvillimit teknologjik dhe ekonomik e rajonit.
Gjithashtu prezentë në ceremoni ishin dhe ministri i Ekonomisë, Kulturës dhe Inovacionit, Blendi Gonxhja dhe ministre e Shtetit për Sipërmarrjen dhe Klimën e Biznesit, Delina Ibrahimaj.
Shefi i qeverisë u shpreh se synimi është që të krijohen më shumë se 5 mijë vende pune për të rinjtë, pozicione punësimi që sipas tij kanë paga shumë të larta.
“Mbi 5 mijë mundësi punësimi për ekspertët e teknologjisë me paga shumë të larta, shumë më të larta se pagat tona. Synojmë që të rrisim eksportet e të ardhurat tona me afërsisht 3.5 mld euro brenda dy dekadash vetëm nga kjo iniciativë.”-deklaroi Rama./Radar.al