Negociatat mes Izraelit dhe Libanit pritet të nisin të martën në Uashington, sipas zyrës së presidentit libanez. Lajmi vjen pas njoftimit të papritur të Izraelit për autorizimin e bisedimeve, pavarësisht mungesës së marrëdhënieve zyrtare mes dy vendeve.
Sipas raportimeve, në qendër të diskutimeve pritet të jetë kërkesa e Izraelit që qeveria libaneze të marrë përgjegjësinë për çarmatosjen e Hezbollahut, i cili është përfshirë në konflikt në mbështetje të Iranit.
Zhvillimet vijnë në një moment tensioni të lartë në rajon, ndërsa më herët Izraeli ka kryer sulme ajrore në Bejrut, me pasoja të rënda në viktima dhe dëme, sipas autoriteteve shëndetësore libaneze.