Në një kohë që u duk sikur është e mërzitur për dasmën e Genarit me Cindy Marinën, përkundrazi, moderatorja Eva Murati është në një periudhë teje të lumtur.
Bëhet me dije se Eva është në një lidhje me biznesmen italian Adriano Beau, i cili prej disa kohësh është parë shpesh pranë saj në shoqëri të ngushtë.
Pamjet e ndara në rrjetet sociale zbulojnë që çifti ka kaluar kohë së bashku në Tiranë dhe jashtë saj, e nga ana tjetër buzëqeshjet dhe komunikimi i afërt mes tyre konfirmojnë romancën.
Lajmi për partnerin e ri të moderatores simpatike, vjen në mes të lajmeve rozë pas komentit të Evës për dasmën e ish-partnerit të saj, Genar Topallit.
Fansat aluduan se Murati mund të ishte xheloze, ndërsa njëri prej komenteve i shkruar në anglisht sugjeronte se edhe vetë moderatorja do të kishte dashur një dasmë të tillë përrallore. Eva nuk e la pa përgjigje këtë koment, duke reaguar ashpër: Nuk dua që miliona shqiptarë të më dëshirojnë vdekjen sepse po mburrem me para që mund të jenë të vjedhura nga fondet publike. E di që më ndjek çdo ditë, por ta bësh këtë një ditë pas dasmës tënde është më shumë se patetike.
Por, nuk kaloi shumë kohë dhe Eva sqaroi deklaratën e bërë:“Besoj se shumë njerëzve u ka ardhur si bombë, pasi nuk është në natyrën time të shkruaj kështu apo të merrem me deklarata të tilla. Më vjen keq për gjithë këtë sepse rashë totalisht në kurth. Ishte një përgjigje e kthyer pas provokimeve të njëpasnjëshme në anglisht nga e njëjta adresë, dhe për t’ia mbyllur gojën u krijua kjo situatë e pakëndshme. Fatkeqësisht dhe pa dashje u bëra pjesë e një telenovele, që realisht nuk dua të jem pjesë. Jete të lumtur për të gjithë.
