TURQI-Një ditë më parë një zjarr masiv ra në një hotel luksoz në resortin e skive në Kartalkaya, në provincën Bolu. Bëhet me dije se numri i viktimave ka shkuar në 76 ndërsa kanë mbetur dhjetëra të plagosur.
Ndërkohë në momentin kur ka rënë zjarri kanë qenë të strehuar 240 të ftuar, por nuk kishte sistem funksional të alarmit dhe fikjes së zjarrit. Zjarri besohet të ketë shpërthyer në kuzhinën e hotelit gjatë përgatitjes së mëngjesit të djeshëm.
Mediat turke kanë raportuar se zjarrfikësit arritën me vonesë për shkak të distancës dhe aksesit të vështirë në zonë, duke e bërë situatën edhe më tragjike.
Ndërkohë Presidenti turk Recep Tayyip Erdoan shpalli një ditë zie kombëtare dhe premtoi që përgjegjësit do të mbajnë llogari para drejtësisë. Ai shprehu ngushëllime për familjet e viktimave, duke e quajtur këtë një tragjedi që ka tronditur zemrat e kombit./bloomberght/Radar.al