Pas dorëheqjes së Milosh Vuçeviç, Serbia ka një kryeministër të ri. Parlamenti serb miratoi emërimin e Gjuro Macut pas një seance me votim të hapur, ku 153 deputetë votuan pro dhe 46 kundër, ndërsa 51 munguan.
Në fjalimin e tij të parë si kryeministër, Macut theksoi se nuk do të ketë ndryshime të mëdha në drejtimin ekonomik të vendit. Ai premtoi vazhdimësi në politikën e stabilitetit makroekonomik që, sipas tij, ka garantuar rritje dhe siguri për vendin.
Kabineti i ri do të përbëhet nga 30 ministra, shumica të rikthyer nga qeveria e mëparshme e Vuçeviç. Seanca parlamentare u bojkotua nga deputetët e koalicionit opozitar NADA dhe nga Partia Demokratike.