Në një konferencë për media kreu i KQZ Ilirjan Celibashi njoftoi afatet për regjistrimin e partive, koalicioneve dhe listave shumëemërore në zgjedhjet parlamentare të 11 majit.
Celibashi bëri me dije se afati i regjistrimit për partitë politike është deri më 25 Shkurt.
Ndërsa më tej njoftoi se në muajin Prill fletët nisen drejt diasporës.
‘’Një parti politike, që do të regjistrohet si subjekte zgjedhor, duhet ta paraqesë këtë kërkesë jo më vonë se 75 ditë nga data e zgjedhjeve, Kërkesa për regjistrimin e koalicioneve duhet të depozitohen në KQZ kjo më vonë se 70 ditë para datës së zgjedhjeve. Deri më 25 shkurt është data kur përfundon afati për depozitimin kërkesave të partive për tu regjistruar si subjekt zgjedhor dhe i komiteteve nismëtare. Data e fundit për kërkesat. Më 7 mars, përfundon kërkesa e depozitimit për regjistrimin e koalicioneve. Më 12 mars, përfundon afati për depozitimin e listave shumë emërorë të kandidatëve. Më 17 mars përfundon afati për verifikimin e dokumenteve të kandidatëve. Më 25 mars përfundon afati i miratimit të listave shumëemërore. 10 ditët shtesë që na dha Kuvendi na lehtëson në raport me votën e disporës”, tha komisioneri Shtetëror i Zgjedhjeve.