Brikena Selmani ka lëshuar një deklaratë të fortë pas daljes nga Big Brother VIP Albania, duke shënjestruar drejtpërdrejt ata që, sipas saj, u përpoqën t’i dëmtonin imazhin sa ishte brenda shtëpisë.
Ajo shprehet e lënduar që sulmet kanë ardhur edhe nga njerëz të cilëve u ka qëndruar pranë dhe i ka ndihmuar personalisht (“me duart e mia”).
Brikena pranon se nuk ka pasur forcën t’i shohë të gjitha publikimet negative që janë bërë për të, për të ruajtur qetësinë shpirtërore.
Ndonëse është këshilluar të nisë padi gjyqësore, ajo ka vendosur të mos e bëjë këtë, duke deklaruar se beson te drejtësia e Zotit, i cili “i jep secilit atë që meriton” në kohën e duhur.
Ajo falënderon mbështetësit për forcën që i kanë dhënë dhe kërkon që të ndalen sulmet, duke bërë thirrje për respekt dhe vërtetësi.
Duket se Brikena ka zgjedhur të mbyllë këtë kapitull duke u distancuar nga polemikat, por pa i kursyer kritikat për “padrejtësitë” që pretendon se i janë bërë.
Deklarata e saj:
Gjate periudhes qe kam qene brenda ne Big Brother, jasht kam perjetuar shume padrejtesi.
Ka pasur njerez qe jane perpjekur te njollosin imazhin tim, madje disa prej tyre kane qene persona te cileve u kam dhene me ngrohtesi nga duart e mia.
Jane publikuar shume gjera qe une as nuk kam pasur forcen t’i shoh, per hir te shendetit tim mendor.
Shume me kane keshilluar te ndjek rrugen ligjore dhe t’i coj disa njerez ne gjyq, por une zgjedh te besoj dicka tjeter. Besoj fort qe Zoti ekziston.
Dhe Zoti nuk eshte nje “mace qe te gervisht menjehere”, por ne kohen e duhur i jep secilit ate qe meriton.
Dua t’ju them gjithashtu te gjithve ju qe me keni mbeshtetur: faleminderit nga zemra.
Mbeshtetja juaj me ka dhene force ne momentet me te veshtira dhe me ka bere te mos dorezohem.
Une do te vazhdoj te jem e vertete me veten time dhe me ju, pa u ndikuar nga genjeshtrat apo mashtrimet.
Prandaj, ju lutem, mos vazhdoni me. Le te zgjedhim respektin dhe te verteten mbi gjithcka.
KAQ.
Në fund të reagimit të saj, Selmani ka falënderuar mbështetësit dhe ka theksuar se do të vazhdojë të qëndrojë e palëkundur në qëndrimet e saj, duke mos u ndikuar nga sulmet apo dezinformatat që, sipas saj, janë përhapur ndaj saj.