Një plantacion i sofistikuar kanabisi është zbuluar në një kapanon industrial në Montanaso Lombardo, pranë Lodi-t në Itali. Policia lokale arrestoi dy persona, një shqiptar dhe një francez, të cilët u gjetën të fshehur nën dyshemenë e ambientit dhe kanë precedentë për trafik droge.
Në kapanonin e marrë me qira, forcat e sigurisë gjetën mbi 200 bimë kanabisi dhe 15 kilogramë lëndë narkotike të përpunuar, si dhe një impiant modern me dhoma kultivimi, sisteme ndriçimi, ventilimi, tharjeje, peshore dhe sistem videombikëqyrjeje.
Vlera e këtij plantacioni kap vlerën e 300 deri në 600 mijë euro, duke përfshirë teknologjinë dhe kostot e ndërtimit. Operacioni erdhi pas një denoncimi dhe dyshimesh për lëvizje të dyshimta në kapanon, ku policia pati sinjalizim edhe nga aroma e fortë e kanabisit.
Hetimet e mëtejshme fokusohen në identifikimin e rrjetit kriminal pas fabrikës, financuesve dhe kanaleve të shpërndarjes, si dhe në kontrollin e mundshëm të lidhjeve të paligjshme me rrjetin elektrik të zonës.