78-vjeçari Gëzim Vija u gjet i vdekur në banesën e tij në fshatin Bulgarec, ndërsa policia konfirmon se ngjarja nuk ka të bëjë me shkaqe natyrore dhe klasifikohet si krim.
Vija është goditur në kokë me mjete të forta, çka i shkaktoi vdekjen. Të gjithë familjarët dhe të afërmit janë shoqëruar në komisariat, ku u janë marrë deklarime për konflikte të mundshme që mund të lidhen me ngjarjen.
Për të zbardhur dinamikën, motivet dhe identitetin e autorit/autorëve, policia dhe prokuroria po përdorin metoda speciale hetimi.
Hetimet janë fokusuar mbi dy pista: njëra për vjedhje me pasojë vdekjen, edhe pse në banesë nuk janë konstatuar sende me vlerë të humbura, dhe tjetra mbi motive të tjera kriminale.