Një çështje private e ministrit të Brendshëm italian, Matteo Piantedosi, ka shkaktuar debat të madh politik në Itali. Gazetarja dhe prezantuesja Claudia Conte deklaroi gjatë një interviste se “nuk mund ta mohojë” ekzistencën e një lidhjeje me Piantedosin, i cili është i martuar me prefekten e Grossetos.
Rasti ka tërhequr vëmendjen e mediave, të cilat rikujtuan se Conte u emërua në shkurt këshilltare në një komision parlamentar për sigurinë dhe çështjet urbane. Pas publikimit, partia Fratelli d’Italia, e kryeministres Giorgia Meloni, konfirmoi mbështetjen e saj për Piantedosin, duke theksuar se këshilltarët në komisione nuk marrin pagesë për rolin e tyre.
Analistë krahasuan situatën me rastin e ish-ministrit të Kulturës, Gennaro Sangiuliano, i cili dha dorëheqjen vitin e kaluar pas publikimit të një lidhjeje jashtëmartesore me influencuesen Maria Rosaria Boccia.
Opozita ka kërkuar shpjegime të detajuara në parlament dhe ngritje të dyshimeve për përfitime të mundshme të gazetares, përfshirë angazhimet në Akademinë Italiane të Policisë. Javën e ardhshme, kryeministrja Meloni pritet të mbajë fjalim në parlament ku mund të trajtojë edhe këtë çështje dhe implikimet politike të saj.