Detaje të reja dalin nga vrasja e 14-vjeçarit Erald Xhejo nga bashkëmoshatari i tij, Enedio Guri, e ndodhur më 14 gusht në fshatin Pirg, Maliq.
Sipas dosjes hetimore, disa ditë para ngjarjes, autori ka shkuar me makinë në fshatin Zvirinë, ku ka xhiruar gomat e mjetit pranë lokalit të xhaxhait të viktimës dhe më pas është larguar.
Ditën e ngjarjes, Erald Xhejo dhe një shok i tij kishin shkuar në Pirg për t’u qethur në berberanë afër lokalit ku ndodhi krimi. Ata kanë parë autorin duke kaluar me makinë dhe i kanë fishkëllyer për t’u sqaruar.
Enedio Guri ka ndaluar, ka dalë nga automjeti dhe ka nisur një debat me adoleshentin. Gjatë përplasjes, Eraldi ka nxjerrë një thikë. Për të mbrojtur veten, ai ka marrë një karrige nga oborri i lokalit dhe e ka vendosur përpara trupit.
Por gjatë lëvizjes pas, Eraldi është penguar dhe autori e ka goditur me thikë në zemër, duke shkaktuar vdekjen e tij. E gjithë ngjarja është regjistruar nga kamerat e sigurisë së lokalit.