Janë zbardhur detaje nga operacioni i forcave speciale RENEA-s në Shkodër këtë të enjte 12 dhjetor.
Me urdhër të SPAK, policia dhe RENEA janë duke mbledhur prova për atentatin me 4 të vrarë në 30 tetor.
Deri më tani në Shkodër janë sekuestruar disa armë dhe 5 makina të blinduara.
Operacioni i RENEA
Forcat RENEA kanë ushtruar kontrolle gjatë mbrëmjes dhe në orët e para të mëngjesit në Shkodër dhe disa fshatra pranë.
Mesohet se në fokus të kontrolleve kanë qenë banesa të personave me precedent penal dhe të skeduar nga policia.
Burimet bëjnë me dije se janë gjetur armë dhe sende të ndaluara të cilat do të dërgohen për ekzaminim në laboratorin e kriminalistikës.
Zyrtarisht nuk janë dhënë detaje nga Policia e Shtetit, ndërsa nuk konfirmohet të ketë patur persona të arrestuar në këtë operacion.
Masakra e 30 tetorit
Qyteti i Shkodrës u trondit pasditen e 30 tetorit 2024 nga një masakër në zonën e Dobraçit kur persona ende të paidentifikuar qëlluan nga një makinë drejt makinës, tip Benz S-Class, ku po udhëtonte Hamza Lici dhe Arlind Bushati dhe një person i tretë.
Nga të shtënat makina që drejtohej nga Hamza Lici, 23 vjeç humbi kontrollin dhe përplasi motorin ku udhëtonin dy qytetarë të pafajshëm, çifti Flutura dhe Bashkim Basha.
Flutura Basha humbi jetën në vendngjarje. Ndërsa Arlind Bushati humbi jetën, po atë ditë pak orë më pas në spital . Tre ditë më pas vdiq në spital edhe Bashkim Basha. Në makinë me Licin dhe Arlind Bushatin udhëtonte dhe një person i tretë, që dyshohet se është Ibrahim Lici. Ky I fundit ka dalë nga makina i ka dhënë ndihmën e parë viktimave dhe është larguar nga vendi i ngjarjes pasi ka ardhur ambulanca.
Atentati në Dobraç/ Arrestohet personi që vodhi në Durrës makinën e autorëve
Masakra e Dobraçit/ Jepet vendimi për 4 efektivët e policisë
Personi misterioz në Dobraç/ Anila Hoxha zbulon: Fakti se ai ishte me të zeza na sinjalizon për…