FLORIDA– Ylli i telenovelave meksikane, aktori 44-vjeçar, William Levy ka reaguar për herë të parë pas arrestimit, duke dhënë një deklaratë për mediat, teksa po largohej nga burgu.
Ai pranoi se e kishte tepruar me pijen, por mohoi akuzat se është konfliktuar me dikë.
“Krejt papritur, dikush filloi të debatonte me një djalë tjetër dhe unë u futa në mes, duke e zbutur situatën. Tani jam unë ai që përfundova në pranga.”- tha ai.
Gjithashtu, ai mohoi të jetë treguar agresiv me punonjësit e restorantit ku ndodhej.
“Unë u përpoqa të qëndroja i qetë gjatë gjithë kohës. Në fund isha unë ai që duhej të largohej.”-tha ai.
Nga ana tjerët ai përshkroi edhe eksperiencën në qeli.
“Ishte normale. Nuk e di nëse bëra miq të mirë, por takova disa njerëz të rinj.”- u shpreh artisti.
Qilliam pagoi një garanci prej 500 dollarësh për t’u liruar. Ai u arrestua nën akuzë për dehje dhe si pasojë shkaktim të shqetësimit publik. Deri më tani as ish-partnerja dhe as fëmijët e aktorit nuk e kanë komentuar situatën në rrjetet sociale./Radar.al
Arrestohet ylli i telenovelave meksikane, akuzat që rëndojnë mbi William Levy