Një ngjarje e rëndë ka tronditur mesditën e sotme qytetin e Laçit, ku disa persona kanë mbetur të plagosur pas të shtënave me armë zjarri. Sipas burimeve paraprake, autorët rreth orës 13:00, nga një makinë në lëvizje kanë qëlluar me armë automatike, dyshohet kallashnikov, në drejtim të disa të rinjve.
Raportimet e para tregojnë se motivi i ngjarjes mund të jetë një konflikt banal, por ende nuk ka një konfirmim zyrtar nga autoritetet. Fatkeqësisht, nga të shtënat ka mbetur e plagosur edhe një shitëse ambulante, e cila gjendej pranë vendit të ngjarjes.
Policia ka shoqëruar dy persona që dyshohet se mund të kenë lidhje me incidentin, ndërkohë që hetimet janë në vijim për zbardhjen e plotë të rrethanave dhe identifikimin e autorëve të sulmit.