Ceremonia hapëse e Kupës së Botës 2026 në stadiumin “Azteca” në Mexico City rezervoi një tjetër moment të veçantë për tifozët, me paraqitjen e aktores së njohur meksikane Salma Hayek.
Ylli i kinemasë botërore mori pjesë në ceremoninë zyrtare si ambasadore e FIFA-s, duke iu drejtuar mijëra tifozëve të pranishëm në stadium dhe miliona shikuesve në mbarë botën në nisje të turneut më të madh futbollistik.
Gjatë fjalës së saj, Hayek vuri theksin te fuqia bashkuese e sportit, duke nënvizuar rolin që futbolli luan në afrimin e njerëzve përtej kufijve, kulturave dhe gjuhëve.
“Futbolli ka fuqinë të bashkojë njerëzit në mbarë botën, pavarësisht kulturës, gjuhës apo origjinës. Kjo është ajo që e bën këtë turne të veçantë”, u shpreh aktorja para publikut në “Azteca”.
Paraqitja e saj ishte një nga momentet më të komentuara të ceremonisë, e cila solli në skenë emra të njohur të artit dhe muzikës ndërkombëtare.
Spektakli u pasua nga performanca e këngëtares kolumbiane Shakira dhe artistit nigerian Burna Boy, të cilët interpretuan himnin zyrtar të Botërorit 2026, duke elektrizuar atmosferën para rreth 80 mijë spektatorëve.
Botërori 2026 është edicioni i parë në histori që organizohet nga tre vende pritëse – Meksika, Shtetet e Bashkuara dhe Kanadaja – ndërsa ceremonia në Mexico City shënoi nisjen e festës globale të futbollit.
FIFA President Gianni Infantino and Salma Hayek with the World Cup trophy 🏆 pic.twitter.com/TTsSnLJ0SS
— Polymarket Sports (@PolymarketSport) June 11, 2026