Presidenti serb Aleksandar Vuçiç ka lëshuar sërish tone kërcënuese ndaj Kosovës, duke deklaruar se Serbia do të triumfojë në këtë çështje, pasi – sipas tij – dinamika globale po ndryshon.
Në një intervistë për televizionin publik serb, Vuçiç komentoi arrestimet dhe depërtimet e serbëve në Kosovë, duke paralajmëruar se situata nuk do të qetësohet shpejt, por fundi, sipas tij, do të jetë në favor të Serbisë.
“Nuk do t’ju them detaje, por Serbia do të fitojë. Jam absolutisht i bindur për këtë. Ndërkohë që bota po ndryshon ngadalë, por me siguri, fitorja jonë është e pashmangshme”, deklaroi Vuçiç.
Ai shtoi se “nuk do të kalojë shumë kohë” derisa bota ta kuptojë ndryshimin e situatës, duke përdorur një shprehje figurative: “Uji do të rrjedhë poshtë Savës dhe Danubit derisa të bëhet e qartë për të gjithë.”