Ish-kryetari i bashkisë së Kukësit, Safet Gjici, është shtruar prej disa ditësh në një spital privat në Tiranë.
Ish-kryebashkiaku socialist, i dënuar nga GJKKO për korrupsion, vuan nga një sëmundje e rëndë.
Safet Gjici u dënua në qershor përfundimisht me 4 vite e 6 muaj burg, për aferën seksuale në zyrën e bashkisë, për të cilën u prangos më 24 qershorin e vitit 2023.
Apeli i Posaçëm ndryshoi vendimin e shkallës së parë, që e kishte dënuar Gjicin me 3 vite burg për shpërdorim detyre, dhe ka dhënë dënimin tashmë me formë të prerë me 4 vite e gjysmë për veprën penale të “Korrupsioni pasiv i funksionarëve të lartë shtetërorë ose i të zgjedhurve vendorë”.