Teksa vijon seanca gjyqësore në lidhje me operacionin “Plumbi i artë” në ambientet e GJKKO, detaje të reja kanë dalë në pah.
Burimet bëjnë me dije se i pandehuri Petrit Çoli u shpreh se për të shpëtuar Nuredinin po veprohet kundra ligjit.
“Unë se dua më jetën, por si besimtar që jam, nuk më lejohet të vras veten, ai më shkatërroi unë po bëj 3 vite burg, si ka parë mbesat e mia, me ka marrë malli dhe jam marrëzisht i dashuruar me gruan time. Unë do vras veten Behar Dibra. Për të shpëtuar Nuredin po shkelni ligjin me të 4 këmbët, më falni për intonacionin por unë jam duke ik nga trutë”, tha ai.
Nga ana tjetër, i pandehuri i radhës Xhulian Hoxha, në dëshminë e tij thekson se për vrasjen e Oti Kilo, financues dhe organizator nuk është Suel Çela siç pretendon Nuredin Dumani, por kjo është porosi e Erjon Alibej.
E gjtiha pasi ky i fundit mendohet të ketë patur një marrëdhënie intime me bashkëshorten e Kilos.
“Në një moment tjetër unë do flas më shumë për këtë gjë në një moment të dytë”, tha ai.
I penduari i drejtësi Alibej i irrirutar u shpreh se nuk i duket etike që të dalë ne media ky detaj.
Hoxha-Alibejt: Kam marrë burg përjetë për fjalët e tua, ty çfarë të dogji, nga ajo që thashë unë.
Alibej: Mediat të bëjnë durim deri sa unë të filloj deklarimet, do dëgjoni jo vetëm për Suel Çelën por edhe për shumë Suel Çela të tjerë të Shqipërisë. Janë thënë shumë trillime dhe shumë të pavërteta. Bëni durim se do sqarohen të gjitha.