Ditën e sotme u mësua se Prokuroria Tiranë ka dërguar për gjyq për ‘Vrasje në rrethana cilësuese’ ndaj një të mituri dhe kundër dy ose më shumë personave 14-vjeçarin Mario Përlleshi.
Pas një hetimi të plotë dhe të gjithanshëm, Prokuroria pranë Gjykatës së Shkallës së Parë të Juridiksionit të Përgjithshëm Tiranë, ka përfunduar hetimet në lidhje me ngjarjen e rëndë të ndodhur me 18 nëntor, 2024.
Një ngjarje që tronditi opinionin publik dhe u pasua me protesta të shumta nga qytetarët para ambienteve të Minsitrisë së Arsimit dhe Sportit.
Më tej thuhet se nga ana e organit të akuzës u caktua ndarja e akteve të këtij procedimi, të akteve që lidhen me veprën penale “Shpërdorim i detyrës”, lidhur me veprimet apo mosveprimet e stafit të shkollës.
Për rrjedhojë të ngjarjes së fundmi thuhet se kanë nisur hetimet ndaj stafit të shkollës pasi është e domosdoshme kryerja e veprimeve të tjera hetimore, me qëllim individualizimin e fajësisë dhe përgjegjësive penale konkrete.
Sakaq kujtojmë se Florina Cani, mamaja e viktimës u shpreh se nuk mori asnjë telefonatë nga stafi i shkollës për ngjarjen e rëndë.