18 Janari shënon plot dy muaj nga vrasja e rëndë e nxënësit të shkollës “Fan Noli”, Martin Cani.
Për rrjedhojë qytetarët vijojnë protestat para shkollës në fjalë.
Burimet bëjnë me dije se para pak çastesh babai i Martinit mes lotësh mbajti një fjalim të shkurtër i cili u shpreh se djalin e tij e vrau qeveria sepse ambulanca i bëri xhiro nëpër Tiranë Martinit në vend që ta niste drejt QSUT.
Më tej ai shton se vrasja e djaqlit të tij vijon e pazbardhur dhe kjo heshtje po i vret ata familjarisht.
“Heshtja vret më shumë se gjithçka. Kemi dy muaj që e përjetojmë këtë dramë të madhe dhe nuk kemi asnjë reagim, as nga prokurori as nga shkolla dhe as nga shëndetësia, sepse Martini bëri xhiron e madhe të Tiranës duke dërguar në spitalin ushtarak për arsye se spitali ushtarak nuk kishte asnjë makineri për ti mbajtur zemrën atij. U bëj thirrje fëmijëve shqiptarë, të bashkohemi për kauzën. Ka ardhur fundi. Fëmija është mbi të gjitha. Nuk kam fjalë,. Por përjetojmë një ngjarje tragjike, kemi një traumë të madhe. I bëj thirrje prindërve, institucioneve…sepse na ka kapur frika. Njëherë më ka shkuar në Prokurori dhe prokurorja më tha që do ti shkojmë deri në fund. Por kanë kaluar dy muaj dhe asgjë”, tha babai i 14-vjeçarit.