TIRANË– Është transferuar nga spitali privat në burgun për të mitur 14-vjeçarin M. P., i cili akuzohet se goditi me thikë në zemër bashkëmoshatarin e tij, Martin Cani, pranë derës së shkollës “Fan Noli” më 18 Nëntor.
Ky vendim erdhi pasi zyrtarët e burgjeve njoftuan policinë lidhur me faktin që mjeku në spitalin privat ku 14-vjeçari ishte shtruar, nuk plotësonte kartelën e të miturit.
I mituri,14-vjeçari Mario Perlleshi, qëndronte prej datës 18 Nëntor në spitalin privat pasi mbeti i plagosur me thikë në dorë gjatë sherrit me viktimën dhe shokun e këtij të fundit, Luis Meçe, i cili ndodhet tek Trauma në intubim, me 4 plagë thike në trup.
Të miturit iu caktua masa e sigurisë “arrest me burg” në kushte spitali, ndërsa është i vetmi autor i dyshuar i krimit./Radar.al