Pas ngjarjes tragjike në Maliq, ku 14-vjeçari Eraldo Xhejo u vra nga bashkëmoshatari, artisti Luiz Ejlli ka reaguar me një mesazh të fortë mbi gjendjen e dhunës në shoqëri.
“Dy nëna sot nuk dinë ku të gjejnë frymën dhe dy familje nuk do të jenë më të njëjta. Këta fëmijë janë të uritur, mes dhunës, inatit, mungesës së dashurisë dhe mungesës së kujdesit. Shkollat flenë, prindërit nuk e kanë mendjen, shteti mbyll sytë, dhe fëmijët po mbyten në dhunë,” shprehet Ejlli.
Ai thekson se këto nuk janë tragjedi të rastit, por pasqyrë e shoqërisë që kemi ndërtuar: një shoqëri ku dashuria është opsionale dhe ku fëmijët mësojnë nga rruga që konfliktet zgjidhen me thikë ose gjak. “Deri sa ne heshtim, thika është në duart tona. Nëse sot nuk çohemi, nesër e ka radhën ai tjetër që mund ta njohim personalisht,” përfundon ai.
“Dy nëna që sot nuk dinë ku të gjejnë frymën dhe dy familje që nuk do të jenë më të njëjta. Këta fëmijë janë të uritur, mes dhunës, inatit, mungesës së dashurisë dhe mungesës së kujdesit. Shkollat flenë, prindërit nuk e kanë mendjen, shteti mbyll sytë, fëmijët po mbyten në dhunë. Nuk janë tragjedi të rastit, janë pasqyra e shoqërisë që ne kemi ndërtuar dhe po e vazhdojmë, ku dashuria është opsionale. Dhe fëmijët mësojnë nga rruga që konfliktet zgjidhen vetëm me thikë ose me gjak. Dhe për sa kohë ne heshtim, thika është në duart tona. Nëse sot nuk çohemi, nesër e ka radhën ai tjetri që mund ta njohim personalisht”, shprehet këngëtari.