Një ngjarje e pazakontë ka ndodhur në kryeqytet më 25 Gusht 2024, ku mësohet se një 38-vjeçar realizoi vjedhjen e 15.000 eurove në një banesë, në zonën “Komuna e Parisit”.
Nga hetimet e kryera Policia e Tiranës ka vënë në pranga shtetasin O. B., 38 vjeç i cili akuzohet për veprën penale “Vjedhja”.
Si rrjedhojë e ngjarjes policia sekuestroi paratë e dyshuara të vjedhura, një automjet dhe veshjet e autorit të dyshuar.
Njoftimi i Policisë
Vodhi 15 000 euro në një banesë, arrestohet 38-vjeçari.
Sekuestrohen shuma parash të dyshuara të vjedhura, që u gjetën në banesën e autorit të dyshuar, një automjet si dhe veshjet që autori ka përdorur gjatë ngjarjes.
Specialistët për Hetimin e Krimeve të Komisariatit të Policisë Nr. 2 në vijim të punës për goditjen e veprimtarive kriminale në fushën e vjedhjes së pronës dhe për vënien përpara përgjegjësisë penale, të shtetasve që i kryejnë ato, kanë organizuar dhe finalizuar operacionin policor të koduar “Key”.
Si rezultat i tij u arrestua shtetasi O. B., 38 vjeç, banues në Tiranë, për veprën penale “Vjedhja”, parashikuar nga neni 134 i Kodit Penal.
Finalizohet nga Komisariati i Policisë Nr. 2, operacioni policor i koduar “Key” për goditjen e veprimtarisë kriminale në fushën e vjedhjes së pronës.
Ky shtetas dyshohet se më datë 25.08.2024, ka vjedhur shumën 15 000 euro në një banesë në Komunën e Parisit.
Në cilësinë e provës materiale u sekuestruan shuma parash të dyshuara të vjedhura, një automjet, dhe veshje të cilat autori i dyshuar i ka përdorur gjatë kryerjes së vjedhjes.