Dy turistë anglezë përjetuan momente ankthi në det, pasi veliera me të cilën kishin dalë për lundrim doli jashtë kontrollit për shkak të motit të keq dhe mungesës së karburantit.
Ngjarja ndodhi rreth 2 milje larg bregut, ku mjeti lundrues mbeti i bllokuar, duke e bërë të pamundur kthimin e tyre në tokë.
Pas njoftimit, shërbimet e Policisë Kufitare të DVKM Durrës reaguan menjëherë. Një mjet i SPK Shëngjin u nis drejt koordinatave të raportuara, duke bërë të mundur lokalizimin e velierës dhe dy shtetasve në bord.
Turistët u morën në mjetin e Policisë dhe u transportuan në breg në gjendje të mirë shëndetësore, ndërsa veliera u tërhoq dhe u dërgua në kalatën e portit të Shëngjinit.