Një delegacion i lartë evropian ka nisur mbërritjen në Shtëpinë e Bardhë për takimin shumëpalësh me Presidentin Donald Trump, në një ditë që pritet të jetë vendimtare për bisedimet ndërkombëtare.
Sekretari i Përgjithshëm i NATO-s, Mark Rutte, ishte i pari që u prit nga Shefja e Protokollit të Shtëpisë së Bardhë, Monica Crowley. Pas tij, priten të mbërrijnë edhe Presidentja e Komisionit Evropian Ursula von der Leyen, Kryeministri britanik Keir Starmer, Presidenti francez Emmanuel Macron, Kancelari gjerman Friedrich Merz, Kryeministrja italiane Giorgia Meloni, Presidenti finlandez Alexander Stubb dhe Presidenti ukrainas Volodymyr Zelensky.
Takimi vjen në një moment kritik, ndërsa udhëheqësit diskutojnë çështje të sigurisë, garancive ndërkombëtare dhe strategjitë për përfundimin e konflikteve aktuale. Pritet që sot të zhvillohen diskutime intensive dhe të vendosen hapat e ardhshëm në nivel global.
