LLOZHNICË– Është konfirmuar se personi i vrarë në Lloznicë të Serbisë më 19 korrik është shtetasi, Faton Hajrizi.
Kështu raportojnë mediat kosovare ndërsa mësohet se trupi i Hajrizit gjendet në morgun e Llozhnicës.Konfirmimi është bërë pas analizimit të materialit të marrë nga strishoja e nënës së Fatonit.
Ndërkohë në morgun e Lloznicës aktualisht gjendet avokati i autorizuar nga familja Hajrizi, Arianit Koci, i cili është duke u marrë me procedurat e tërheqjes së trupit dhe transportimit në Kosovë.
Kujtojmë se Faton Hajrizi u vra më 19 korrik në afërsi të kufirit mes Serbisë dhe Bosnjës. Një ditë më herët, ai dyshohet se ka vrarë një polic serb dhe ka plagosur një tjetër. Faton Hajrizi qe arratisur nga burgu i Smrekonicës më 6 korrik.