Një ngjarje e rëndë ka ndodhur mesditën e së enjtes pranë mbikalimit të Rinasit, ku një 25-vjeçar është plagosur me armë zjarri.
I plagosur ka mbetur Fabjo Arifaj, rreth 25 vjeç, i cili është qëlluar me një plumb në këmbë. Ai u dërgua menjëherë në spital dhe ndodhet jashtë rrezikut për jetën.
Gjatë përplasjes ka mbetur i lënduar lehtë edhe Grisjan Latifaj, 22 vjeç, shok me të plagosurin, i cili ka marrë goditje me sende të forta.
Sipas burimeve, konflikti mes të rinjve ka nisur në zonën e Domjes dhe ka degjeneruar në përdorim arme pranë Mbikalimit të Rinasit, ku janë dëgjuar të shtëna.
Policia ka shoqëruar disa persona dhe po heton për zbardhjen e plotë të rrethanave të ngjarjes.