Shqipëria do të përfshihet sot nga kushte atmosferike të qëndrueshme, sipas parashikimit të Shërbimit Meteorologjik Ushtarak.
Gjatë ditës moti do të jetë kryesisht i kthjellët, ndërsa në orët e mesditës dhe të pasdites pritet të ketë vranësira të pakta deri mesatare kalimtare. Këto do të jenë më të dukshme në zonat malore të lindjes së vendit.
Temperaturat do të shënojnë rritje, duke arritur deri në 31 gradë Celsius në vlerat maksimale.
Era do të fryjë nga juglindja në veriperëndim me një shpejtësi mesatare prej 6 m/s, ndërsa në det pritet valëzim i ulët, me forcë 1 deri në 2 ballë.